U bent hier

Venlo 2012

Klik heej veur de foto's

Verslaag van de declamatiewedstried in Venlo van 30 maart 2011.

Aan de veurróndes kóste kinder van de basisschoeële oet Blierick en Venlo meidoon. Tiedes die dreej daag haet de jury ’t erg moeilik gehad. D’r ware kinder beej die met knikkende kneen eur gedichjes veur droge, andere kinder hadde weer waat hölp nuuëdig van de souffleur én d’r zien altied kinder beej, die ’t zoeë oet de mouw schödde, éch knap!
De Venlonazaal zoot boemvol, we hadde steul te weinig en Matthijs had ’t weer good veur mekaar, de buun waas moei versierd.

De jury

De jury bestónd dit jaor oet 2 leje van de Venloup: Wim Lensen en Ingrid Keder en Fred van den Bogaard van Neutjes Rang.
Dees minse meuste de kinder beoordeile op eur oetspraok, teksvasheid en wie ze eur gedichje veurdroge.
De trappelzakboogie

De Prissentatie.

Hans Jacobs haet de prissentatie op zich genaome en we kinne hiel trots truuk kieke op deze geslaagde’n aovend, wat hadde de kinder ’n plezaer en Hans haet ’t hartstikke good aan ein gepraot. Bedank Hans, ’t waas éch gewéldig!

De finaliste.

De dreej winnaers van ’t vurrig jaor: Lony Wouters, Juul Brueren en Sjraar Timmermans mochte beginne, zeej mochte eur versje nog ens opzegge.
De 40 finaliste hebbe eur versje schoeën opgezag, de zaal waas muuskestil en de jury haet aandachtig geluusterd en de punte gegaeve die geliek beej Wilma in de computer verwerk woorte.
In de pauze hebbe we meuge geneete van de trappelzakboogie, 5 kinder oet ’t Ven en Juul Brueren, dae ós vermakde met ziene kei tóffe buut

De spanning waar um te snieje, wie de oetslaag kwaam.
Oetslaag.
Ónderbouw:
1e plaats: Quin Schatorié met “Kauwgum” van Annemie Schleepen-Schweitzer
2e plaats: Lieve Kuyper met “Nieje spelling” van J. van Kraay-Apeldoorn
3e plaats: Imke Nab met “Gries haor” van J. van Kraay-Apeldoorn
Middebouw:
1e plaats: Sjraar Timmermans met “’t Niej kiendje van J. van Kraay-Apeldoorn
2e plaats: Juul Brueren met Erwtesoep van J. van Kraay-Apeldoorn
3e plaats: Deveney van Cleef met “’t Niej kiendje”van J. van Kraay-Apeldoorn
Baovebouw:
1e plaats: Julia Seetsen met “Kerboet” van Hans Jacobs
2e plaats: Isa Schatorié met “Nederlands elftal” van Hans Jacobs
3e plaats: Kelly Koninkxs met “Nao de stad”van Diana Vullings-Smeets

Limburgse finale:

Dit jaor is de finale op 19 mei 2012 in ’t CK Theater in Remund.
Weej winse Quin Schatorie, Sjraar Timmermans en Julia Seetsen hiel vuuël sukses beej de Limburgse finale names Dialekvereining Veldeke Venlo!

Annemie Schleepen-Schweitzer