U bent hier

Velde 2011

Declamatiewedstried in Velde

Zaoterdaag 16 april 2011 um 15.00 oor in Het Wapen van Velden, Velde.

Heej zien de foto's

Foto's zien gemak door Hay Ewalts

Oètslaag van de finale :

1 Nienke Munten............baovebouw, Twieëling
2 Milou van Wijlick.........baovebouw, Toepe
3 Lotte Gerrits...............baovebouw, Hojje
1 Sterre Fleuren............ middebouw, Waakhond
2 Carl van Beek..............middebouw, Waakhond
3 Rosa van de Pasch........middebouw, Mien Oma
1 Lonneke Wijnhoven.......onderbouw, Tandpien
2 Mette Brueren............onderbouw, Opvoeding
3 Taquela Kooiman ........onderbouw, Opvoeding
Winnaers 2011

Juryverslaag Dialek-declamatiewedstried in Velden.

Dit jaor woord de finale van de declamatie-wedstried in ut Veldes dialek gehalde op zaoterdaag 16 april beej kefee Bouten. In totaal hebbe heej 20 jonges en megjes van de twieë Veldese basisschoeële aan mei gedaon. Zoaas altied is de finale georganiseerd dor de Veldeke Krink Venlo.

‘t Aantal deilnemers waor twieë mier aas vurrig jaor. Daovân waore d’er 10 vân de middebouw en vân d’n onderbouw en baovebouw idder vieëf. Good verdeld dus. D’er waor ein aafmelding.
De deilnemers mâkde zelf en keus oèt de aangebaoje gedichte. Vur d’n onderbouw (groepe 3 en 4), de middebouw (groepe 5 en 6) en de baovebouw (groepe 7 en 8) waore 15 gedichte beschikbaar (dreej mieër aas vurrig jaor). Daovân zien d’er 9 veurgedrage. Ut meis populair waor “Waakhond” det ma lifs zeve kieër is veurgedrage. Op de twieëde plâts kwaom “opvoeding”, det veer kieër woord veurgedrage.

De jury bestond oet:

- Pierre Hafmans
- Noud Verheijen
- Hay Lucassen, tevens veurzitter.

In ur beoërdeiling haet de jury punte gegaeve vur de onderdeile: teks, dialek en veurdrag.
Alle jonges en megjes hebbe good eur best hebbe gedaon: eigelik zien ze daorum allemaol prieëswinnaer. Allein al umdet ze mei gedaon hebbe! De veurdrachte waore allemaol good en ut publiek “supporterde” good. Ut belangriekste is de veurdrag zellef. Âs de veurdrag good is, sprik ut de minse aan. Âs immes is enne kieër d’n teks ni waos, woord det neet aas “minpunt” geteld dor de jury.

Dit jaor is en nieje meneer van jurere toegepas. Idder jurylid kinde zelf en onaafhankelik vân de andere juryleden de punte toe vur de onderdeile teks, dialek en veurdrag. Nao idder optraeje gove de jurylede ur punte drek door aan de sikkertaris, dae ze inveurde in de computer. De jury zoot good op ein lieën, wânt de punte loge hiel kort beejein. Op dees meneer kôs al metein nao aaflaop vân de wedstried de oètslaag in iddere categorie bekind gemâk waere. De oètslage staon op de site vân Veldeke.

De winnaers krege idder âs priës en kedobon en iddere deilnemer meugde en oorkonde in ontvangs neme. De winnaers hebbe ur gedich nag enne kiër veurgedrage.

In iddere categorie gaon de nummers ein en twieë nao de Limburgse finale.
Weej winse eur daobeej hiel vuül succes!

Namens de jury,

Hay Lucassen,
3 mei 2011.