U bent hier

Velde 2010

VERSLAAG DECLAMATIEWEDSTRIED VELDE 2010

Klik op ónderstaonde foto veur de album:

Declamatiewedstried Velde 2010

Op zaoterdaag 27 mârt 2010 waor de finale van de declamatie-wedstried in 't Veldes dialek. In de finale zitte de kienger vân de Sebastianus- en de Andreasschoël.

19 lierlinge van de genumde Veldese basisschoële hebbe heejaan deilgenaome. Daovân waore d’r 11 vân de middebouw en 6 vân d’n onderbouw. Vân d’n baovebouw waor d’r einen deilnemer.
Ze hebbe zellef en keuze gemâk oèt ’n aantal gedichte. Vur d’n onderbouw (groepe 3 en 4), de middebouw (groepe 5 en 6) en de baovebouw (groepe 7 en 8) waore in de ganse 12 gedichte beschikbaar (vur idder 4) Daovân zien d’r in totaal 7 veurgedrage. 2 kienger, die wâl in de finale zoote, waore d’r ni.

!Âs jury hebbe gefungeerd:
- Mariet Geelen
- Mie Hermkens
- Hay Lucassen, tevens veurzitter.

In ur beoërdeiling woorte d’r punte gegaeve vur de onderdeile: dialek, teks en veurdrach.
Veurop mot waere gesteld, det alle jonges en megjes good eur best hebbe gedaon: 't waore allemaol gooie veurdrachte, die 't aanwezige publiek gewaardeerd haet en daovân mit applaus bliek haet gegaeve.

Ma um vervolges oèt te zeuke welke veurdrachte tot de beste behuurde, det waor ni gemekkelik vur de jury. In de bespraeking vân idders waarderinge vur de genumde onderdeile, bleek dat alle deilnemers zonder oetzôndering good scoorden op dialek (det is op zich al fijn!) en op teks. 't Verschil woort gemâk dôr de veurdrach. We hebbe daobeej vural gelet op de meneer wao-op ze 't publiek “gepak” hebbe mit ur gedich. Det zit ‘m onder andere in de uvvertuüging, mimiek, gebare en 't gebroèk van attribute. “Timing” huurt dao zeker ok beej (ok al is 't en Ingels waord). Juus heejdoor wört enne veurdrach origineel en oorspronkelik.

Winnaars

Oèteindelik haet de jury de punte per deilnemer vasgesteld. De punte woorte veurgelaeze en via de computer op en groët scherrem geprojecteerd. De vollegende deilnemers kwaome âs winnaar oët de bus:

Baovebouw
Lisa Bremmers mit “Kersen” 71 punte
(âs ennige deilnemer in dees categorie teves winnaar!)

Middebouw:
Willem Koopmans mit “Muuske” 76 punte
Nadia Verspay mit “Muuske” 75 punte
Senne Theelen mit “Oma” 73 punte

Onderbouw:
Carl van Beek mit “Vrindschap” 78 punte
Rico Verbeek mit “Boeremòs” 76 punte
Anouk Willemsen mit “Opvang” 71 punte
Rosa van de Pasch mit “Opvang” 71 punte
In dees categorie dus twieë winnaars vân d’n derde priès.

Ma, zoeâs al gezag, alle punte loge hiel kort beejein. Dit bliek ôk wâl oèt de oètslage. De winnaars krege idder âs priës en kedobon en iddere deilnemer meugde en oorkonde en medalje in ontvangs neme.
De winnaars meugde ur gedich nag enne kiër veurdrage en det deeje ze ôk wir prima!

Limburgse finale

Per categorie gaon de twieë mit 't hoeëgste aantal punte nao de Limburgse finale.
Det zien: Lisa Bremmers, Willem Koopmans, Nadia Verspay en Carl van Beek en Rico Verbeek.
Weej winse dees jonges en megjes hiel vuuel succes in de finale!

Namens de jury,

Hay Lucassen.