U bent hier

Venlo 2010

VERSLAAG VAN DE DECLAMATIEWEDSTRIÈD 27 MIÈRT 2010

Klik op ónderstaonde foto veur d'n album

Declamatiewedstriej Venlo 2010

Veurselectie

Op 15, 16 en 17 mièrt waas ’t dan intelik zoeë wièt: de veurróndes van de declamatiewedstrièd van de schoeële oèt Venlo, Bliërick en Hout-Bliërick.
De opkóms waas gruuets, vuuël kinder hadde zich opgegaeve, waovan d’r oetinteik maar 39 naor de finale kóste.
In die dreej daag haet de zjurie ’t erg moeëjelik gehad, d’r ware zoeë vuuël kinder die good eur bes hadde gedaon.
D’n eine ging met knikkende kneen zien versje opzegge, d’n andere schudde ’t zoeë oèt ziene mouw en ’n paar kinder hadde weer waat hulp nuuëdig.
Nao zoeë vuuël jaore in ’t Tref te zien gewaes, zien we dit jaor veur ’t iërs naor kefee/restaurant de Wylderbaek gewaes, waor we óntzettend leuk óntvange woorte, ’t waas ‘ne hiele schoeëne zaal.

Finale

Op 27 mièrt um 19.30 oor begós de finale, de zjurie bestónd dit jaor oèt ’t vastelaovesgezeschap De Wortelepin: Roger Knorr, Erik Knorr en Ben Rayer
De äöpening begós met de kinder die ’t vurrig jaor gewónne hadde met eur versje:
Juul Brueren met gebete, Lony Wouters met Ganzebord en Pauline Schreurs met Slanke lien.
De finaliste hebbe eur versjes schoeën opgezag en de zjurie haet met aandach geluusterd en in de pauze hebbe ze zich truuk getrokke um ’n keuze te make wae van de kinder gewónne haet.
In de pauze hebbe we genaote van de Äölieneutjes die ’n leuk optreeje hadde en…? ózze Juul Brueren haet ziene vastelaoves buut nog ens meuge veurdrage, maar jóng… waat waas det leuk zeg

Toppie!

Nao aafloup van de pauze kwaam de zjurie met d’n oètslaag…. ’t hert boenzde in de kaelkes van de kinder.

Oètslaag

Groep 3/4
1ste plaats: Deveny v. Cleef van basisschoeël de Meule met Häörkes knippe.
2de plaats: Rik Martens van basisschoeël de Koperwiek met Te laat
3de plaats: Ivo Knorr van basisschoeël Leonardus met Te laat

Groep 5/6
1ste plaats: Julia Seetsen van basisschoeël met de Bijbel met Ierlik deurt ’t langs.
2de plaats: Bram Peeters van basisschoeël de Springbeek met: Ein baan.
3de plaats: Quinty van Doorn van basisschoeël de Koperwiek met: Smoesjes.

Groep 7/8
1ste plaats: Hanneke Steinman van basisschoeël Willibrordus met Kerse.
2de plaats: Renee van Rooyen van basisschoeël de Koperwiek met Slanke lien,
3de plaats: Pleun Meurs van basisschoeël Groeneveld met Luchje.

Trofee

Hanneke kreeg ouk nog de Giel Aerts troffee , ’n kei moei beeldje waat door mevr. Aerts woort oètgereik.
Det waas’n groeëte iër veur Veldeke.

Limburgse finale

De winnaers ginge nao nao hoes met ‘ne medalje en ’n kedobón, alle deilnemers krege ’n oeërkónde en ’n klein kedootje. De 1ste twieëje winnaers meuge meidoon met de Limburgse Finale, 29 mei a.s. in Wieërt. Weej winse óg hièl vuuël sukses names Veldeke-krink-Venlo!

Geej kint de foto’s en de gedichte van de kinder ouk truuk vinde op ós thoèsblaad.

Annemie Schleepen-Schweitzer

Limburgse finale declamatiewedstrièd:

  • Zaoterdaag 29 mei 2010 in 't Bisschoppelijk College in Wièrt