U bent hier

Venlo 2008

Klik op ónderstaonde link veur alle foto's.

http://www.mijnalbum.nl/Album-NDZKF7MJ-Foto's-in-Venlo-Foto's-van-School.html

Fotograaf : Jan Dercks

Verslaag van de declamatiewedstrièd 14 mièrt 2008.

Op 3, 4 en 5 mièrt zien wie eder jaor de veurróndes gehalde van de declamatiewedstrièd in Venlo. D’r zien 14 schoeële in de gemeinte Venlo aangeschreve. Van dees schoeële hebbe oetintelik 150 kinder ingeschreve um aan de veurróndes mei te doon. Wie eder jaor hadde de kinder weer hièl erg eur bes gedaon um de versjes good van boète te lière.
Nao dreej daag veurróndes meus de zjurie ein keuze maken. 42 kinder zien nao de finale gegaon op 14 mièrt. Waat ouk al jaorelank ein traditie is, is det deze wedstrièd gehalde wuurt in Ut Tref in Venlo-Zuid. De opkóms van kinder, elders opa’s en oma’s waas groeët: ’t zoot d’r good vol!

De zjurie van de finale bestónd oet de hière: Ruud Stickelbroeck, Bram Holla en Herm Pollux. Dees hière hebbe aandachtig nao alle 42 kinder geluùsterd die auk now weer eur uùterste bes deeje um good veur d’n daag te kómme. Heejnoa haet de zjurie zich truukgetrókke um te bepaole wae det d’r gewónne had.
In d’n tièd det de zjurie aan ’t euverlegge waas, hebbe weej ein optraeje gezeen van de “Crazy Jumpers”. Ein stel jónges die op moderne mezièk lete zeen waat de jeug taegeswaordig duit met mezièk: jumpe!. Beej de kinder sloog ’t in idder geval good aan, ze deeje volop mei.
Nao aaflaup van dit optraeje kwaam de zjurie truuk met d’n oetslaag. Zoeëas zeej zelf zachte: ’t waas neet mekkelik en ’t niveau waas hoeëg maar ze hebbe toch in iddere categorie winnaers aangeweze:

Groep 3/4

1e plaats: Mandy Rademakers van ’t Palet
2e plaats: Sanne Leenen van de St. Martinusschoeël
3e plaats: Bashti Frenken van de Zuidstroom

Groep 5/6

1e plaats: Stan Frijsinger van de St. Martinusschoeël
2e plaats: Renee van Rooyen van de Koperwiek
3e plaats: Lony Wouters van de St. Willibrordusschoeël

Groep 7/8

1e plaats: Rachelle Aerts van de St. Willibrordusschoeël
2e plaats Manon Timmermans van de Springbeek
3e plaats: Merel Heijsters van de Hertog Reinoudschoeël

De winnaers krege ein medalje en ein kedobon. Alle deilnemers hebben ein oeëkónde gekrege en ein klein kedootje. De nummers 1 en 2 waere door Veldeke Limburg genuuëjd um mei te doon aan de Limburgse finale op 17 mei a.s. in Mestreech. Weej winse eur, names Veldeke-krink-Venlo, dao vuuël sukses!

Al met al kinne we truuk kièke op einen schoeënen aovend.

Gerti Clabbers