U bent hier

De slumste Venlonaer

De slumste Venlonaer 2021!

Op zóndaag 31 oktober 2021 um 14.00 oor zuk Dialekvereiniging Veldeke in ’t Tref, Hendrikxstr. 17 in Venlo weer “de slumste Venlonaer’’.

Taaldirigent: Hans Jacobs

Wae van óg wuurt de slumste Venlonaer van 2021?

Wilt geej óg kinnis van Venlo op de proof stelle, doot dan ens mei met deze geweldige quiz met foto’s, items euver van alles en nog wat det met Venlo te make haet, dialek, cultuur, de stad zelf, historie en neum maar op.Koppels kinne zich aanmelde veur deze ludieke, joeksige, spannende middaag via ozze site of aan de zaal op 31 oktober 2021 vanaaf 13.30 oor. De koppels die meidoon mótte ’n bietje herkinbaar zien met beejveurbeeld  ’t zelfde hudje of dezelfde sjaal. Bedink veur óg koppel ‘ne kwante naam! De koste zien € 5,00 per inschrieving/koppel en daoveur krieg geej ouk nog ens ein consumptiebón per persoeën. ’t Is kwant um mei te doon. Det hure weej idder jaor van de koppels die meidoon en de luuj die kómme kieke. Eine kier meidoon en geej ziet verkoch!

Zeen weej óg op wies 31 oktober? Schrief óg op tied in, want vol=vol.                            Wae dörf? 

Belangriek!!    Hald d’r raekening mei det geej ’n tes-vaccinatie- of herstelbewies kint laote zeen, beej veurkeur via de CoronaCheck-app.