U bent hier

Online-cursus Venloos laeze en schrieve online – januari 2021

Cursus Venloos ( De cursus zit vol, aanmelde kin neet mier ! 

Locatie: thoes, achter óggen eige computer
Docent: Bas Vissers, Veldeke Venlo
Koste: €75,- (inclusief cursusbook en certificaat). Leje en dónneteurs (*) betale €50,-. Materiale krieg geej thoesbezörg.
Tiedstip: vanaaf dónderdaag 28 januari 2021 19.30 tot uterlik 21.00.
Maximaal aantal deilnemers: 16
Veurkinnis: de cursus werk ’t beste as geej al thoes ziet in ’t Venloos (of enig ander Limburgs) dialek.

Weej werke op dit moment ouk aan eine cursus Venloos veur neet Venlonaere, wao de naodrök leet op spraeke en luustere. Deze cursus is veural gerich op minse van boete Limburg, die gaer ’t Venloos dialek wille liere. Hald heejveur de website van ós vereiniging in de gater.
Vanaaf dónderdaag 28 januari 2021 organiseert Dialekvereiniging Veldeke Venlo eine cursus Venloos laeze en schrieve. Deze cursus besteit oet 7 lesaovende van maximaal anderhalf oor wao geej dees twieë vaardighede van ’t Venloos dialek beejgebrach krieg.

Nao ein geslaagde proofles, wao weej as Veldeke ouk nog ’t ein en ander van hebbe opgestaoke, wille weej eine ganse cursus gaeve. Deze zal gegaeve waere in ein google-umgaeving: geej heb nuuedig ein google-account (gratis te kriege). Op ’t platform Classroom van google vindt geej dan ’t aanvullende cursusmateriaal zoeë wie vidoe’s die euver de cursus gaon, aanvullende materiale en op ’t ind van ederen aovend ein paar korte vraoge um te kieke of alles helder waas. De beejeinkómste waere dan via de camera gegaeve via google-meet.

As geej interesse heb um heej aan mei te doon, dan kint geej óg opgaeve via https://www.veldeke-krink-venlo.nl/aanmelding . Nao betaling van ’t cursusgeld krieg geej dan de aanmeldgegaeves veur de classroom en de weblink veur de camera-meetings.
’t Is aan te bevaele um ouk ech alle aovende te volge. De cursus is zoeë opgebouwd det d’r op basis van ’t veuraafgaonde nieje informatie wuurt toegevoog. Op ’t ind van de cursus wuurt d’r van óg verwach det geej ein Meisterstök schrief in ’t dialek. As geej det heb ingeleverd, dan krieg geej op ’t lets van de cursus ouk ein certificaat (thoesgesteurd).


(*) Lid van Veldeke waert geej door óg aan te melde op https://www.veldeke-krink-venlo.nl/aanmelding. De contributie is €28,- veur ein jaor as geej volwaerdig lid wilt waere. Donneteurs (Vrinde van Veldeke Venlo) betale jaorliks vanaaf €15,--. ’t Ierste jaor is ’t lidmaatschap gratis.