U bent hier

Oeuvrepries 2012

Schriever Nol Wassen (1937) krieg dit jaor de Veldeke Oeuvrepries van ’t Limburgs Leed.

De Ruivernaer is bekind um zien lollige tekste.

Nol Wassen
Nol Wassen is overleden 13 maart 2014

Arnold Wassen schreef hónderde vastelaovesleedjes, wón met De zachte geej (1978) en Goodgeammezeerd (2001) twieè kier 't LVK en makde vuuel andere leedjes en gedichte.

Nol Wassen is verierd met 't winne van de Oeuvre-Priès: “Ik bin hartstikke blie en verierd. Ik heb 't lieske van ierdere winnaers gezeen. Waat 'n ier um dao tòsse te meuge staon. Met Jan Theelen heb ik vuuel samengewerk, net as met Ben Verdellen.

 

Oevrepries 2012 

Beeldje gemak door Marielle Franssen.
 
Astebleef, astebleef, waer mienen hertedeef.
Want wie-se 't auch bekieks, doe kries mien hert veur nieks.
Noe kem ens doenderbiej, ich haaj 'n plaetske vriej.
Ben neet verlaege, noe kem mer gres,
want ich gluif des doe veur mich de ware bes.
 
De sjterre en de maon, die aan d'n hemel sjtaon,
besjiene dien gezich, as ich sjmiespel taege dich:
Zegk is dich al verteld, det t'r eemes van dich helt ?
Den kiek ens good nao mich, want dae wuiles, det ben ich !