U bent hier

Heite bliksem van Thei Lamberts

Heite Bliksem

Dit heb geej nuuedig:

2 kilo petatte
1½ kilo stoofpaere
6 schieve geruik spek (van 1 cm diek)
4 dieke hötjes louk
paeper en zalt

Zoeë mak geej ’t klaor:

Laot ’t spek met ’n bietje bótter aanbakke. Doot dan ‘t in ringe gesneje louk daobeej en laot effe aanbakke (neet te broen).
Schöd d’r 2 dl. water beej. Doot dan de geschelde, gespeulde en in stökke gesneje petatte en de geschelde en in stökke gesneje paere d’r beej.
Bestrui alles good met paeper en zalt. Laot zoeëwat 1½ oor op 'n zaach veurke gaar stove en kiek geregeld of d’r nog genóg vóch in de kaetel zit.
Haol ’t spek oet de kaetel en stamp de res good doorein. Sniej ’t spek in blökskes en doot det weer in de kaetel beej de res.
Heite Bliksem wuurt good heit en gepaeperd opgedeend met schieve knapperig gebakke bloodwors met gebakke louk en appelemoos.