U bent hier

Vis in 't zoor van Thei Lamberts

Vis in ’t zoor

Dit heb geej nuuedig:

4 dl. witten aek
3 dl. water
10 paeperkorrels (gebraoke)
2 lereerblaedjes
2 hötjes louk in ringe gesneje
20 gram sókker
5 blaedjes witte gelatine
1 kilo schelvis
zalt

Zoeë mak geej ’t klaor:

Doot d’n aek, ’t water, de kruje, ’t louk en de sókker in 'ne kaetel en laot efkes kaoke.
Weik de gelatine in kalt water.
Doot de schelvis zalte en doot um dan beej ’t kaokende vóch. Laot alles zoeëwat 7 minute zaach kaoke.
Haol de vis met 'ne schuumlaepel oet ’t kaokvóch en leg um netjes in ein porseleine kómp.
Los de geweikde gelatine op in ’t kaokvóch. Good reure. Bring dit op smaak met zalt.
Schink 't vóch euver de vis en zörg d’r veur det hae gans ónder steit.
Laot alles aafkeule en bewaar de vis in d’n ieskas.
Nao 24 oor is hae good ingetrokke en lekker um te aete.