U bent hier

Roeëdmoos van Bestemoder

ROEËDMOOS VAN BESTEMODER

Baodschappelieske:

1 roeëje koeël (óngevièr 1 kilo)
2 zore appelle (b.v. goldrenette)
2 aetlaepels aek
1 sjalotje
3 kroeëdnaegelkes
½ teelaepelke zalt
1 lereerblaedje
8 jeneverkralle
1 kenièlstekske
hempelke riès
versgemale paeper
mezzena

Veurbereiding :

Haol de boèteste blajer van de roeëje koeël aaf en snie um dan in veere. Snie d’n harde strónk d’r oèt en snie de koeël in smale reepkes en doot ze dan wasse.

Schel de appele en haol de kroeëskes d’r oèt en snie de appele dan in blökskes en schöp die met d’n aek ónderein.
Maak ’t sjalotje schoeën en staek de kroeëdnaegelkes d’r in.

Bereiding:

Bring de roeëje koeël in eine kaetel aan de kaok met ein bäömke water, ’t zalt, bestaoke sjalot, lereerblaedje, hempelke riès, jeneverkralle en ’t kenièlstekske.

Kaok de roeëje koeël op ’t kleinste vlemke en op ein plaetje (vlamverdeiler) gaar (good werk haet tièd nuuëdig).
Doot de letste 10 minute de appeleblökskes, aek en de paeper d’r beej.

As de roeëje koeël lekker gaar is, haol dan de bestaoke sjalot, ’t kenièlstekske, ’t lereerblaedje en de jeneverkralle d’r oèt.
Bind de roeëje koeël ’n bietje met de mezzena.

Laot ’t óg smaake