U bent hier

Declamatie Tegelen 2018

Alle foto's van Tegele

De versjes van Tegele

Finale in Tegele in 't Zaelke op vriedaag 13 april 2018 um  19.30 oor. De veurróndes in Tegele  zien op schoeël gehalde.

In 'n bômvaol Zaelke woort op vriedig de 13e de finale van de Tegelse declamatiewedsjtriéd gehaje met -zoëwie weej det in Tegele gewend zien- allemaol sjplinternieje gedichjes.

De veurzitter van Dialekvereiniging Veldeke Venlo, d'n hiër Henk Buskes, äopende d'n aovend. Dees vereiniging wilt de jeug werm laote loupe vur ‘t dialek.

De jury besjting dit kier óet dreej leje van Tosjopa, as iërbetoën aan de letsaan euverleje Anne Nooten, die dökker de declamatiewedsjtriéd haet gepresenteerd.De juryleje ware Leo de Ronde, Henny de Ronde en Lia Orval.

As debutant waas d'r dit jaor ein 15-jäorige presentatrice: Froukje Janssen, det op 'n leuke meneer d'n aovend aanein haet gepraot. De kinger die mei deje ware richtig gôjje kandidate en met name de kleintjes wiste mennig hert te sjtaele. Det lete de luuj in de zaal waal merke door hiel hél in de heng te klappe en van zich te laote hure. Alle finaliste krege 'n oorkonde, 'n presentje en ein consumptiebón, die ze ech waal verdeend hadde. Ze dejen 't hiel sjoën. De jury had 't d'r maar drök mei en kwaam nao vuël dink- en sjriéfwerk toet de volgende óetsjlaag.

De winnaers van de óngerbouw

1. Minou van Hees met Flappie van Leonie van Hulten (Passepartout)

2. Frederique Gubbels met Oppe vingers telle van Leonie van Hulten (De Schalm)

3. Emmeline Verweij met Freek Vonk van Linda Hanraets (St. Jozefsjoël)

De winnaers van de middebouw:

1. Isa Kessels met Zangdiva van Leonie van Hulten ('t Maasveld)

2. Mara Seijsener met Alwir hónger van Truus Verbong (Passepartout)

3. Tijs Rijvers met Ich heb eine vis gered van Herman Bors (St. Jozefsjoël)

De winnaers van de baovebouw:

1. Cielke Willemsen met Beej ós thoés van Hanneke v.d. Sommen (Passepartout)

2. Bo Schraven met Beej ós thoés van Hanneke v.d. Sommen (St. Jozefsjoël)

3. Evy Kessels met Prestere van Linda Hanraets (Maasveld)

Truus Verbong

De nummers 1 waere genuujd öm met te dóon aan de Limburgse finale op 26 mei in DOK6 in Panninge.