U bent hier

Cielke en Baer

Broedspaar Boerebroelofsgezelschap Festina Lente prissenteert ’t bukske “Cielke en Baer”

‘n Bukske wao in steit waat d’r allemaol kump kieke beej de organisatie van de Boerebroelof. ’t Bukske is geprissenteerd beej de bekindmaking van ’t Boeregezelschap van Festina Lente. De persoeënielsvereiniging van de gemeinte Venlo organiseert de Boerebroelof kómmend jaar.Broed Renée Vercoulen schreef de tekste veur ’t Nijntje-achtig bukske, Leon Peeters haet de tekeininge gemak.

“Boerebroelof mit Cielke & Baer", is ‘n kinderbook, maar ouk volwassene die d’r oet veurlaeze kinne nog vuuel liere euver ’t fees” dink Renée Vercoulen. ’t Wuurt op 13 fibberwari 2018 op ‘t  Venlose stadhoes in de ón-echt verbónde mit Rob Pingen.

‘t Bukske is te koup beej Koops bookhandel, alle winkels van Plus Benders, slechterie Schreinemachers en beej Bruna en Primera in Blierick en Timmermans in Tegelen.