U bent hier

Declamatie Tegele 2017

Finale in Tegele.

Foto's van de finale declamatie Tegele 2017

Wat waas 't wir sjoeën op gójje vriedig 14 april in 't Zaelke. Met 'ne zaal vaol met kinger, elders, opa's, oma's, juffe, meisters en hiél vuuël anger fans, kóste weej ós laote verrasse door hiel vuuël Tegels talent. Hanneke van der Sommen wis met zien sympathieke presentatie de kinger op eur gemaak te sjtelle, zoeëdet alles soepel verleep.

Ós dialek laef, det waas waal dudelik, maar ouch veel op wie good de kinger zich kóste presentere aan 't publiek. Asof ze dageliks oppe buun sjtaon! Gelökkig waas d'r ein kundige jury met 'n groeët hert vur Tegele, te weite dhr. Jo van der Velden, mevr. Jeanne van der Velden en dhr. Toine Ambaum. Aan eur de ieër, maar ouch de zjwaore taak öm 3 winnaers per bouw te keze. Naodet de jury eur bewóngering had oetgesjpraoke vur de sjoeëne expressie van alle deilnimmers, volgde d'n óetsjlaag:

Óngerbouw: 
1. Gijs Broekman met 't gedichje "acrobaat" van Leonie van Hulten
2. Frederique Gubbels met "op sjoeël" van Susan Janssen
3. Noud Kessels met "eiketske" van Leonie van Hulten
Middebouw: 
1. Anouk Raijer
2. Isa Kessels
3. Isa Hanraets. 
Alledreej met 't gedichje "bedtiéd" van Linda Hanraets
Baovebouw: 
1. Lisa Idink
2. Cielke Willemsen. Allebei met "nae... nae... nae..." van Hanneke v.d. Sommen
3. Bo Schraven met "sjtraof sjriéve" van Herman Bors

De nummers 1 lete eur gedichje nag ens huuëre en zulle det onnag ens doon beej de Limburgse finale, in DOK6 in Panningen op zaoterdig 20 mei 2017.

Weej sjpitsen ós al op de volgende kieër !  Met vrintelike groete,

De werkgroep Tegelse declamatie
Annemie Schleepen
Nicol Ebus
Susan Janssen
Truus Verbong