U bent hier

Schötteriemuseum

't Verhaol euver 't Schötteriemuseum:

In april 2008 woort 't museum door brand getróffe en naodet ‘t bestuur ‘t besloet genaome had um in idder geval door te gaon, zien zeej met de SVD-paters in Steyl gaon euverlegge um ‘t pand te laote herbouwe zoeëdet zeej d’r nao ‘t herstel weer zoele in kunne.
Teleurstellend waas ‘t besloet van de paters det zeej neet mier welkom ware umdet zeej ‘t gebouw veur eige gebroek woele inrichte. Det zeej
teleurgesteld ware en ouk kwaod, meuge dudelik zien en neet allein maar ouk vuuel andere minse oet Steyl ware det. Zeej zien toen op zeuk gegaon nao ein nieje lokatie en die hebbe zeej gevónde in de alde Rochuskerk in Steyl
die zeej in erfpach kóste gaon gebroeke. Zeej zien aan de slaag gegaon en nao eine lange waeg met vuuel ónderhandele met partieje zoeëas de Gemeinte en ‘t zeuke nao financiers, is ‘t noow bijna zoeë vaer det 't Museum binnekort weer kulle äöpene en as bestuur zien zeej d’r gruuëts op det zeej d’r in geslaag zien um neet allein ‘t Museum maar ouk ein multifunctioneel gebouw te hebbe gerealiseerd wao vuuel andere aktiviteite in gehalde kunne waere.