U bent hier

Tieën veur Venloos 2006

Tieën veur Taal 2006

Op zóndaag 29 oktober 2006 organizeerde weej einen dialek middaag mit Tieën veur taal.

Wae kint ’t neet, ’t televisie programma “Tien voor Taal”, waobeej Nederlandse deilnemers ‘t opneme taege Belgische kandidate. ‘t Geit dan um de kinnis van de Nederlandse taal.
Weej zien oetgegaon van deze populaire televisiekwis. Weej gaon op ein speulse wiès de kinnis van ’t Venloos plat ónderzeuke.
Dit spektakel begós um twieë oor in feeszaal Ut Tref aan de Hendrikstraot in Venlo.

Maar leefs 15 koppels hadde zich opgegaeve um mei te doon. De koppels koste herkind waere umdet zeej allebei iets van 'tzelfde meuste hebbe.

We hadde o.a. de koppels
Pas Begós
De knómmelaers
Gebakke loch
De bóksebäömkes
De proeme van Pieëters
2 x niks is 2 x waat

't Waas ein schoeën gezelschap beej mekaar.

De koppels meuste allemaol meidoon aan 5 róndes
1. Maak de zin in good Venloos
2. Wäörd ritse
3. Waat beteikent 't waord of gezegde?
4. Krangse cryto's
5. Beoeérdeile of wäörd juus of neet juus ware geschreve

Eder good antwoord leverde 2 punte op. Oetintelik ware d'r 3 finaliste die um de houfpries ginge strieje.

De dreej finalise ware:

Koppel "Pas begós", José en Hay Kleuskens-Walraven
Koppel "De kwas", Hannie Nabben en Wim Brummans
koppel "Noeëts druuëg", Bert Driessen en Gerard
van Gestel

Deze 3 koppels ginge de finale in.

1

De finale

Wie ging det:

Eine speuler per koppel meus in maximaal 2 minute de beteikenis gaeve van wäörd die opgelaeze woort door Hans Jacobs. Degene die de meiste gooje antwoorde goof had de finale van 2006 gewónne.

De winnaers van "Tieën veur Taal" 2006 zien:

't Koppel "noeëts druuëg" vertaegenwoordig door Bert Driesse en Gerard van Gestel.