Gojen daag !

Wiki

Deze website is geschreven in het Venloos, één van de Limburgse dialecten in het Nederlandse taalgebied. Wij gebruiken de " Spelling 2003 " Zie Europese erkenning

’t Niej Venloos waordebook is klaor. 't Ierste book zal waere aangebaoje aan ózze börgemeister.

De raeje det ‘t blauwe Venloos Waordebook opniej is oetgegaeve, is de nieje Limburgse spelling en ‘t oprake van d’n iersten drök. De spelling is aangepas en vuuel laesteikens zien aafgeschaf wao door ‘t Venloos schrieve ‘n stök mekkeliker is gewaore. Ouk haet ’t nieje book ‘n deil Nederlands-Venloos. Noow kin idderein in umgekierde richting zeuke, wao door ouk neet- Venlonaere vuuel wäörd in ‘t Venloos dialek zich eige kinne make.

't Book is te koup beej : Koops Venlo, Bruna Blerick en Primera Blerick

Foto's oetreiking niej waordebook 17 december 2016 aan de börgemeister.

Op zaoterdaag 17 december 2016 zulle leje van Dialekvereiniging Veldeke Venlo ‘t nieje waordebook verkoupe beej de winkel van Bookhandel Koops aan de Klaosstraot veur de aantrekkelike pries van € 25,00. Beej aankoup van dit waordebook, kriege de kuipers d’r veur nop ‘ne dialek-gedichtebundel of ’n kindergedichte-CD beej (zoeëlang d'r veurraod is!).

Verjäördaagskelender

Mit iddere maond ’n prachtige teikening van ‘n Venloos spraekwaord of Venlose oetdrökking
Vanaaf 17 december 2016 te koup beej Bookhandel Koops, Bruna Blerick en Primera Blerick
veur de pries van € 9,95

Aan de oetveurende van " Ode aan Sef Cornet "

Leef luuj,
  • Names 't ganse bestuur van Veldeke Venlo wille weej óg van herte bedanke veur de schoeëne veurstellinge die geej op de plenk heb gezatte.
  • De dames Henriëtte, Regi, Hennie en Josje van de kleier, de pruke en de sjmienk en de minse van 't decor "Gaer gedaon" die zoeë hard hebbe gewerk..
  • De speulers  die de bezeukers traone op de wange bezörgde, traone van emotie en van de lach, geej ziet geweldig.
  • Wiel dae met 't idee " Ode aan Sef Cornet" kwaam. Sef dae die ideeë via ziene geis op pepeer haet gezatte. Marga det 't decor ouge goof. Wim, de maestro, dae de moeëje leedjes leet hure.Theu, dae ós haet laote genete van die alde foto's. Marnix dae van al de ideeë laevende minse op de buun haet gezatte en Frans dae det ganse gedeuns in goje bane brach.
  • Weej danke ouk 't Volkstheater Frans Boermans veur eur hölp en de rippetitieruumte in de "Febriek"
  • En groeëten dank geit nao ós ge-ierde gasspeulers: Annie Renkien, Carla Hagenaars, Jan van Hoften en Sjraar Peetjens, die heej  veer zier bizondere oetveuringe aan hebbe gegaeve. 
  • 'n Sef Cornet Revue in 't jaor 2016 !
 

Dialekvereiniging Veldeke Venlo

Dialekvereiniging Veldeke Venlo, opgerich 20 jannewari 1947, is ein van de elf kringe van Veldeke Limburg.'t Doel van ós vereiniging is um de volkscultuur, met name de plaatselike dialekte, laeventig te halde. Weej perbere um met cursusse, dialektbeejeinkómste en oetgave van waordebeuk te zörge det de Limburgse taal neet verlaore geit.

Weej zien actief in de plaatse: Árce, Baolder, Belvend, Blierick, Bree, d’n Bookend, Grevors, Helje (Dörp, Kepél, Graashook, Beringe, Keuningslus), Houblierik, Kessel, Lómm, Tegele, Velde, Venlo en Zaerum.(geschreve in eur eige dialek)

De vereiniging haet óngevier 400 leje en dónneteurs.

De provincie Limburg en de gemeinte Venlo steune de Dialekvereiniging Veldeke Venlo.